Starfshópur um rannsóknir á byggingu flugvallar í Hvassahrauni
Samgöngu- og sveitarstjórnarráðherra hefur skipað starfshóp um rannsóknir á byggingu flugvallar í Hvassahrauni, sbr. samkomulag samgöngu- og sveitarstjórnarráðherra, f.h. íslenska ríkisins, og Reykjavíkurborgar sem undirritað var hinn 28. nóvember sl.
Hlutverk starfshópsins er að leiða fyrri áfanga rannsókna á möguleikum á byggingu nýs flugvallar í Hvassahrauni. Þessi vinna skal unnin með það að markmiði að fullkanna kosti á því að reisa og reka þar flugvöll til að gegna hlutverki varaflugvallar, innanlandsflugvallar og flugvallar fyrir æfinga-, kennslu- og einkaflug, sbr. verkefnisáætlun.
Starfshópurinn er svo skipaður:
Eyjólfur Árni Rafnsson, formaður og verkefnisstjóri, tilnefndur af samgöngu- og sveitarstjórnarráðherra,
Friðfinnur Skaftason, tilnefndur af samgöngu- og sveitarstjórnarráðherra,
Ólöf Örvarsdóttir, tilnefnd af Reykjavíkurborg,
Þorsteinn Rúnar Hermannsson, tilnefndur af Reykjavíkurborg,
Birgir Örn Ólafsson, tilnefndur af Sambandi sveitarfélaga á Suðurnesjum,
Kolbrún Jóna Pétursdóttir, tilnefnd af Sambandi sveitarfélaga á Suðurnesjum.